Qulliit
Qulliit qulliqtuqpaktut taimaa 20%-mit 50%-mut ikluqpautim qulliqtuutainik, talvuuna qiniqhiaplutik qulliqtuqpallaaqnaittunik taimaa ikluqpauyuq qulliqtuqpallaaqtailiyaamik. Qulliqnik aallannguqtiriyut aularaaqnaqtunik, qulliqtuqpallaaqtailiplutik quanaqtut taapkua uplumirnitat LED-nguyut qulliit ayuittuniklu munaqhitiqariamik ikluqpangnik. Nutaannguqtiqtaqqut qulliit munaqhitiillu tamatkinnuaqhugit Kavamatkut ikluqpautait, taimaa iniqhinahuaqhuta: • Qulliqtuqpallaaqtailiplugit, talvuuna akighilaaqpaktut qulliqnut akiliqtaghat ikighilaaqhugillu Uqquuhivalliayumi Kaassiliit tipainik ilauyut alruyaqtuqniqmut nunallaarnit uqhuqyuaqtuqtunit qulliliqivingnit; • Atuqtaulluaqtunik qulliqnik iliurailutik ayuqnaiyariamik ahiqquiyaiyut havaaghait taimaalu ihuaqtunik qulliqariamik tamangnik ikluarnit; • Ihuaqhivaalliqlugit qulliqtuutit munautaillu, inuqariaghaanik qauhitiqarlutik taaqhitaqtuniklu nanikiaq ikluarnit taimaa qulliqtuqpallaaqtailiplutik qulliillu ihuaqhivaalliqlugit.
Nutaat LED-nguyut Qulliit
Tajja atuqtauyut qaumayut qulliit hakugiktullu qaumayut qulliit huanngautituqluaqpaktut taapkunannga nutaat LED-nguyut qullirnit. LED-nguyut qulliit aularaatqiyauvaktut, taimaa akighilaarutiplutik qulliqtuqtunik. Nutaat LED-nguyut qulliit taapkualu hakugiktut naatkutigiingniqmut nutaannguqtiqtat, taapkualuuniit nutaat LED-nguyut qulliit, iliuraqtauliqtut tamangnut iluani hilataanilu qulliqnut amihuutqiyanut ikluqpautinut.
Kivalliq
Qikiqtaaluk
Quttiktuq
Qulliqnut Munaqhitit
Avaliittumik-makitayunik iliuraqhimayullu inuqariaghainik munaqhitit munaqtittivaktuq ikluqpautit qulliutainik ikighilaaqhugit qulliqtuqtut – talvuunalluaq atauttikkuuqtunik, upluqhiutikkuuqtunik qamiviqaqhutik. Hapkua qauyihautit iliuraqtauvaktut naguyalluanut taapkuatut quiyaqtuqviit, ulapqiviit ighivaviillu. Kinguvaqtitaqviit iliuraqtauvaktullu qauyihautinut taimaa qulliit kuinginnaittaamik iklumiutanut, kihimi qamitauvaghutik atauttikkut ikluaq inuiraangami qanuq hivituyaaqtumik.
Kivalliq
Qikiqtaaluk
