Imarmik Hapummihimaniq
Imaq annirnatqiyauyuq pivighaqqut. Inuit tamangnik imarmik atuqpallaaqtaililaaqtut upluq tamaat, kihimi ihuatqiyanik-qulliqtuqpallaaqnaittunik imautiqarumik ihuaqutauvaktuqlu. Kavamatkut ikluqpautait inmikkut ihuaqhainahualiqtut ikighilaarahuaqhugu imaqtuqtait taimaalu imaqtuqpallaaqtailiplutik ayuqnaitpat. Taimaa himmiqtuiplugit tajja atuqtauyut, ihuilutauyut imautinut tuqhutjat nutaanik, qulliqtuqpallaanngittunik “mighut qurluqtunik” imautinik aajjikkutaanik, nakuutqiyaanikluuniit, imautim hakugingnianik imaqtuqpallaaqhimaittumik.
Imaqtuqpallaanngittut Anaqviit Quiyaqtuqviillu
Imaqtuqpallaanngittut anaqviit quiyaqtuqviillu hakugighaivagait immat tamangnik kuviyaugaangata nutqautiqaqhutiklu imaqtuqtanik kuviyaugaangallu. Naallugu ikighilaaqpaktut kuvigaangat 40%-mik – naallugu naammagiyauyuq ikluqpaliuqtit havauhiigut amigaittunik quiyaqtuqvilingnik. Qauyihautit atauttikkut kuviyaqtunik iliuraqtauliqtullu imaqtuqpallaaqtailinahuaqhutik tamangnit kuvivingnit.
Imaqtuqpallaanngittut Uaqvingnit Imautit Uaqhivingnilu Imautit
Imaqtuqpallaanngittunik uaqvingnit imautit kuviviillu imaqtuqpallaanngittut quanaqqut nutaat ihuaqhivaalliqtullu ingilrutit. Amihut nutaat kuviviit atauttikkuuliqtullu qauyihautikkut taimaa imaq nutqaqtitauyaamik inmikkut atuqtautaaqqat. Nutaat kuviviit iliuraqtauliqtut hapkunani ikluqpautinit:
Kivalliq
Qikiqtaaluk
