Qulliqtuqpallaaqtailiyaamik ikluqpautivut hanalugit qulliqtuqpallaaqnaittumik ayuqnaitpat, kihimi inuit havaaghalgittauq! Talvuuna Atuttiarniq ilihaivaktut naunaitkutaqaqhutik hanayaamik alruyaqtuqtunut havauhighanik ilauyut qulliqtuqniqmut munaqhiyunik ilitturipkaivallialutik aghuurnaqniinik qulliqtuqpallaaqtailiniq. Ihuaqnikkut, kavamatkut ikluqpautait maliktaghauquplugit qulliqtuqpallaaqtailiniqmut tamangnut ingilrutituqtukkut aulapkaiyukkullu.
Nutaat ingilrutit, ingilraviit havauhiillu hanayauhimayut qulliqtuqpallaaqtailiplugit ilihaqtittiyaamik ihariattilaaqtut Aulapkaiyinik atuqpangniaqtunik hapkuninnga havauhiqnik upluq tamaat. Ilihainiqmut ihuaqhautit hanayauvaktut nunamit qulaanut taimaa ayuitaghait ayuiqhayaamik inirumayainullu aulapkaiyit.
Qulliqtuqtut Qulliqtuutinik Ilitturipkainiq
Qanuq atuqpauhiqqut ikluqpautinik upluq tamaat havaaghaptingnit, pulaaqhutik, ilihaqvighaalu ihuilutauyut havauhiinut, talvuuna ihuilutauvaktuq paurnik anialattinirmut. Qulliqtuutinik Ilitturipkainiq tajja havaariyauyuq kavamatkut ikluqpautainit taimaa nayugalgit ikluqpautainit qauhimayaamik naunaiqhimayaamiklu ikighilaarutighat ikluqpautaita avatinut kinguniinik.
