Nutaannguqtaqtuq Hiqiniqmit Qulliqtuutitnguqtaqtuq Hiqiniqmit Qulliqtuutit
Nutaannguqtaqtuq hiqiniqmit qulliqtuutit ihuaqutauvaktut ikighilaaqhugit qulliqtuutit uunaqutinut alruyaqtuqtunullu. Hapkua ingilrutit qulliqtuutinik anittivaktut taimaaluuniit hiqiniqmit uunaqtumit qulliqtuutiqaqhutik iliuraqhimayut qilaani taluiniluuniit ikluqpait. Taimaa tamangnik ikluqpautinit qulliqtuqpagiamik havakviinit. Nakurutauyut ikluqpautinut avatinullu ihuaqtut, hapkua ingilrutit pauqqukinmata taimaalu atuqpalliahuiqhugit ingilrayuktut uqhuqyuakkut.
Hiqiniqmit Uunnaghiiviit (PV) huanngautinik hiqiniqmit qulliqtuutiliuqpaktuq. Taamna ingilrutik iliuraqtautaaqqat, qulliqtuutit akikitpiaqtut taimaalu paungittut. Hiqiniqmit Uunnaghiiviit ihuaqutaullualaaqtuq ingilrutighaq Nunavunmi qulliqtuutinut atuqtaghanut, talvuunalluaq Ukiuqtaqtumi hivituyumi upluutainit hiqiniqmit qulliqtuutinigaangamik ikighilaarutauvaktuq uqhuqtuqtunik qulliqaqvingnit.
Hiqinngum Anurianit Uunaqutit
Hiqinngum anurianit uunaqutit angiyut qirnariktut hiqiniqmit huanngaqtitauyut qiuqutit iliuraqtauvaktut taluini ikluqpait hiqiniqmut hanmingalluaqvianut. Anuri itiqtitauvaktuq qiuqutikkut ingilravaghutik ikluqpautim uunaqutaanut, kayumiittumik uqquuhivalliapluni. Uqquutqiyaq anuri itiqhimaliraangat uunaqutimut, uunaqutik qulliqtuutinik atuqpallaayuittut uunnaghiiyaamik ikluqpangnik taimaa niklamauhimagumi kihimi anuri hilamit.
Hiqinngum Imautinit Uunaqutit
Hiqinngum imautinik uunnaqhiviit ingilrapkaivaktut imarmik talvuuna hiqiniqmit huanngautiyunik tuqhuarnik, uunnaghiivaktuq imarmik ingilratinnagu ikluqpautim imautilluangat uunnaghiivianut. Taimaa imautinik uunnaghiiviit qulliqtuqpallaaqtailiplugu uunnaghiiyaamik amiakkuanik uunaqtuq imaq atuqtautinnagu uaqtunit uaqhivingnilu.
