Ingilrutit
Ingilrutit havauhiit uunaqutinut, qingarnullu, imautiniklu uunaqutinut ingilratjuhiit nakuruttiqtauvaktut nutaannguqtirigaangamik nutaanut, qulliqtuqpallaaqnaittunik aajjikkutavyangnik atuqtauhuiqvia tikittiiplugu. Nutaannguqtiriyaqqut utuqqat, ihuaqutaunngittut anurihiutit, pakpautit, uunaqutit, ahiniklu aajjikkutavyainik ingilrutinik Kavamatkut ikluqpautainit ihuaqhivalliayaamik ikayuutait. Amihuiqtuqhutik, hapkunuuna nutaannguqtiqtakkut ikluqpautivut ikiniqhakkut aulapkaiyaamik qulliqtuqpallaaqtailiplutik aulapkaiplugit, ihuaqhaiplugilluuniit, iluaniittut avatinut qanurininganiit. Uqauhikkut ahiagut, pinahuaqhimayugut aajjikkutanik, angitqiyaanikluuniit, ikluqpautivut ingilrutighainik, kihimi qulliqtuqpallaaqtailipluta!
Aallatqiinguyut Kayumingniit Munaqhitiit
Anuri qinngarnut imaqmulluuniit uunaqutinut ihariagiyaugaangat tuniyauvaktuq aulahimmaaqtumik ingilrapluni qanukiaq ihariagiyaat ikluqpautim ihumagihimaittugu. Aallannguqtiriyaqqut ingilrutikkut munaqtauyut havauhiit talvunga aulavaktunut ikluqpautinit titiraqhimayut ikitqiyanik ingilrayunik, taimaa hapkua havauhiit ihuaqutauyaamik qulliqtuqpallaaqtailiplutik.
Kivalliq
Qikiqtaaluk
Ingilrutinik Himmiqtuiyut
Utuqqait ingilrutit taapkuatut niklaqhiiviit uaqhiviit ihuiqpalliavaktut atuqtaughaaqhutik, taimaalu himmiqtauyarialgit 20 ukiut naatinnatik. Nutaatqiyat Qulliqtuqtut Upluriaq angiqtauhimayut ingilrutit ikighilaarutiyut qulliqturniqmik imaqturniqmiklu (taapkuatut hivurakkut iluanunngaqhiyut uaqhivingnik, ilittuqhitikaffuk) himmiqtauliqtut talvani ikluqpautinit:
Kivalliq
Qikiqtaaluk
Quttiktuq
Ungavaqtaqtut Angmautinut Puughat
Ungavaqtaqtut uqquuqutilgit puughat ihuaqutauvaktut qulliqtuqpallaaqtailiniqmut anialattihimaittumik uunaqtumik ikluqpautinit tamaat uunaqtumik niklamayuniklu imautilingnik. Hapkua puughat iliuraqtauliqtut angmautinut, halummaqhitinut, pakpautinut, ahinullu tughuanut ikluqpautit ingilrutainit imautainullu tuqhuanginut. Puughait aajjikkutarinngitait uqquuqutighat, kihimi; ahivariamik ayuqnaittut ahiqquiyaiyaamik. Ikluqpautit hanayauyut taimaa titiraqhimayut ataani.
Kivalliq
Qikiqtaaluk
Quttiktuq
Uunaqutiqarvingmik Himmiqtuiyut
Tajja aulahimayut uunaqutiqarviit (uunaqutilluuniit mikitqiyanit ikluqpautinit) avatquhimaliqtainik atuqtauvighait himmiqtauyarialgit nutaatqiyanik ingilrutinik qulliqtuqpallaanngittunik aulapkaiyaamik. Himmiqtuiplugu una angitqiyaq ingilrutik aippiqtuqtauvaktuq nutaanik munaqhitinik taimaa ikluqpaum uunaqutait aulattiariamik uunaqutiqaqvingnit ihuaqnighakkut ayuqnaitpat uunaqutiqaqviit ingnikitqihimayaamik aulapkaiplugu. Ikluqpautit humi hapkua ingilrutit himmiqtauliqtut:
