ᖃᐅᒪᖃᓂᕐᒧᑦ
ᖃᐅᒪᖃᓂᕐᒧᑦ ᐊᑐᖅᑕᐅᔪᑦ ᐆᒻᒪᖅᑯᑎᑐᖃᑦᑕᖅᑐᑦ ᐱᒋᐊᖅᑐᓂ 20% ᑎᑭᑦᑐᒍ 50% ᐃᓪᓗᓄᑦ ᐆᒻᒪᖅᑯᑎᖏᓐᓄᑦ, ᑕᐃᒪᓐᓂᖓᓄᑦ ᓇᓂᓯᓂᖅ ᖁᕝᕙᕆᐊᕐᓗᒍ ᐊᑐᑦᑎᐊᓂᖅᓴᐅᓂᖏᓐᓄᑦ ᐃᒪᐃᑦᑎᑦᑎᒍᓐᓇᖅᑐᖅ ᐃᓪᓘᒐᔪᑦᑐᒥᑦ, ᖁᕝᕙᓯᑦᑐᒥᑦ−ᐊᐅᓚᓂᖃᑦᑎᐊᖅᑐᖅ. ᖃᐅᒪᖃᓂᕐᒧᑦ ᓴᓇᒋᐊᖅᑕᐅᓂᖏᑦ ᐊᑯᓂᐅᔪᒧᑦ, ᐆᒻᒪᖅᑯᑎᓂᑦ ᐊᑐᑦᑎᐊᕐᓂᖃᖅᑐᑦ ᖁᕝᕙᕆᐊᖅᓯᒪᔪᑦ ᐱᔾᔪᑎᒋᓪᓗᒋᑦ LED ᖃᐅᒪᖃᓂᕐᒧᑦ ᐊᒻᒪ ᓯᓚᑐᔪᒥᑦ ᐃᓪᓗᖃᓂᕐᒧᑦ ᐊᐅᓚᑕᐅᓂᖏᓐᓄᑦ. ᐅᓪᓗᒥᒨᖓᓕᖅᑎᑕᕗᑦ ᖃᐅᒻᒪᖅᑯᑎᓄᑦ ᐋᖅᑭᔅᓯᒪᔪᑦ ᐊᒻᒪ ᐊᐅᓚᑕᐅᓂᖏᓐᓄᑦ ᐊᑕᖏᑦᑎᐊᖅᑐᒋᑦ ᒐᕙᒪᒃᑯᑦ ᐃᓪᓗᖏᓐᓂ, ᑐᕌᒐᖃᖅᑐᑎᑦ ᐆᒥᖓ: • ᐊᑎᓪᓕᒋᐊᕐᓗᒋᑦ ᐆᒻᒪᖅᑯᑏᑦ ᐱᔭᐅᔪᒪᔪᑦ ᐊᒻᒪ ᐆᒻᒪᖅᑯᑎᑐᖅᑕᐅᔪᑦ, ᑕᐃᒪᐃᓐᓂᖓᓄᑦ ᐱᐅᖅᓱᐊᖅᑐᑦ ᐆᒻᒪᖅᑯᑎᓄᑦ ᐊᑭᖏᓐᓂᑦ ᐊᒻᒪ ᐊᑎᓪᓕᒋᐊᖅᑐᑎᑦ ᐳᔪᕐᓗᐃᑦ ᓯᓚᒨᖅᑕᐅᔪᑦ ᐊᑦᑐᐊᓂᓖᑦ ᐆᒻᒪᖅᑯᑎᓕᐅᓂᕐᒧᑦ ᓄᓇᓕᒻᒥᑦ ᐆᒻᒪᖅᑯᑎᓕᐅᕐᕕᓐᓂᑦ; • ᐊᑐᒐᖃᓕᕐᑎᓪᓗᒋᑦ ᖃᐅᒪᖅᑯᑎᓄᑦ ᓴᓇᓯᒪᔪᑦ ᐱᒡᒐᓇᖏᑎᓪᓗᒋᑦ ᓴᓇᔭᐅᓂᖏᓐᓄᑦ ᐊᒻᒪ ᖃᐅᒪᖃᑦᑎᐊᑎᑦᑎᓂᖅᓴᐅᓗᑎ ᐃᓂᓕᒫᖑᔪᓂᑦ; • ᐱᐅᓯᑎᒋᐊᕐᓗᒍ ᖃᐅᒪᖃᓂᕐᒧᑦ ᐊᑐᑦᑎᐊᓂᕐᒥᑦ ᐊᒻᒪ ᐊᐅᓚᑕᐅᓂᖏᓐᓄᑦ, ᓇᔪᖅᑕᐅᓕᕐᓂᖓᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᑎᒋᔭᖅᑐᓄᑦ ᐊᒻᒪ ᖃᒥᒋᐊᕈᑏᑦ ᐃᓚᔭᐅᔪᑦ ᓇᓗᓇᐃᖅᑕᐅᓯᒪᔪᓂᑦ ᐊᑦᑎᓪᓕᒋᐊᖅᑎᑎᒃᑲᓂᕐᓗᑎ ᐆᒻᒪᖅᑯᑎᓂᑦ ᐊᑐᓂᕐᒧᑦ ᐊᒻᒪ ᐱᐳᓯᑎᒋᐊᕐᓗᒍ ᖃᐅᒪᖃᓂᕐᒧᑦ ᐊᑐᖅᑕᐅᓂᖓ.
ᓄᑖᑦ LED ᖃᐅᒻᒪᖅᑯᑏᑦ
ᒫᓐᓇᐅᔪᒥᑦ ᑕᑭᔪᑯᑖᑦ ᖃᐅᒻᒪᖅᑯᑏᑦ ᐊᒻᒪ ᖃᐅᒪᖅᑯᖅᑐᔪᑦ ᖃᐅᒻᒪᖅᑯᑏᑦ ᐆᒻᒪᖅᑯᑎᑐᕐᓂᖅᓴᐅᔪᑦ ᓴᓂᐊᓂ ᓄᑖᓂᑦ LED ᖃᐅᒻᒪᖅᑯᑎᓂᑦ. LED ᖃᐅᒻᒪᖅᑯᑏᑦ ᐊᑯᓂᐅᓂᖅᓴᐅᓂᖃᖅᑐᑎᑦ, ᓴᖅᑭᑎᑦᑎᔪᑦ ᐊᑦᑎᓪᓕᒋᐊᖅᑐᓂ ᓴᓇᔭᐅᓂᖏᓐᓄᑦ ᐊᑭᖏᓐᓄᑦ. ᓄᑖᑦ LED ᖃᐅᒻᒪᖅᑯᑏᑦ ᐊᒻᒪ ᐊᐅᓚᓂᖃᑦᑎᐊᖅᑐᑦ ᖃᐅᒻᒪᖅᑯᑎᓕᐅᕈᑏᑦ ᐱᐅᓯᑎᒋᐊᖅᑕᐅᓂᖏᑦ, ᐅᕝᕙᓘᓐᓃᑦ ᐊᑕᖏᕐᓗᒍ ᓄᑖᓂᑦ LED ᖃᐅᒻᒪᖅᑯᑎᓂᑦ, ᐋᖅᑭᑦᑕᐅᕙᓪᓕᐊᔪᑦ ᑕᒪᒃᑭᓐᓄᑦ ᐃᓗᐊᓂ ᐊᒻᒪ ᓯᓚᑖᓄᑦ ᖃᐅᒪᖃᓂᕐᒧᑦ ᐊᑐᖅᑕᐅᔪᓂᑦ ᐊᒥᓲᓂᖅᓴᓂᑦ ᐃᓪᓗᓂᑦ.
ᑭᕙᓪᓕᖅ
ᕿᑭᖅᑖᓗᒃ
ᐅᐊᓐᓇᖓᓂ ᕿᑭᖅᑖᓗᒃ
ᖃᐅᒪᐃᑦ ᐊᐅᓚᑕᐅᓂᖏᑦ
ᐃᒻᒥᑰᖅᑐᑦ ᐊᒻᒪ ᐋᖅᑭᔅᓯᒪᔪᑦ ᓇᔪᖅᑕᐅᓕᕐᓂᖓᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᑎᒋᔭᖅᑐᓄᑦ ᐊᐅᓚᔪᓐᓇᑎᑦᑎᔪᑦ ᐃᓪᓗᒧᑦ ᖃᐅᒪᖏᓐᓂᑦ ᐊᒻᒪ ᐊᑦᑎᓪᓕᒋᐊᖅᑐᑎᑦ ᐆᒻᒪᖅᑯᑎᓂᑦ ᐊᑐᕐᓂᖓ, ᓯᕿᓐᖑᔭᒃᑯᑦ ᖃᒥᖃᑦᑕᖅᑐᑦ. ᑖᒃᑯᐊ ᐃᑭᑦᑕᐅᑎᒋᔭᖅᑐᑦ ᖃᒥᑦᑕᐅᑎᒋᔭᖅᑐᑦ ᐃᓚᔭᐅᔪᑦ ᐃᓂᒋᕙᐅᒐᔪᑦᑐᓄᑦ ᓲᕐᓗ ᐊᓇᕐᕖᑦ, ᐱᓐᖑᐊᕐᕕᑦ ᐊᒻᒪ ᐳᓛᕐᕕᑦ. ᑭᖑᕙᖅᑎᑕᐅᓯᒪᔪᑦ ᐊᑯᓂᐅᓂᖏᑦ ᐃᓚᔭᐅᔪᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᑎᒋᔭᖅᑐᓄᑦ ᖃᐅᒪᐃᑦ ᐸᕕᓴᐃᓂᐊᖏᒻᒪᑕ ᓇᔪᖅᑕᐅᔪᓂᑦ, ᑭᓯᐊᓂ ᖃᒥᑦᑕᐅᑎᒋᖃᑦᑕᖅᑐᑦ ᓇᔪᖅᑕᐅᒍᓐᓃᕋᐃᒻᒪᑦ.
ᑭᕙᓪᓕᖅ
ᕿᑭᖅᑖᓗᒃ
