ᐃᓪᓗᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᒋᔭᖅᑐᓄᑦ ᐊᑐᖅᑕᐅᔪᑦ ᐊᐅᓚᑕᐅᓂᖏᑦ
ᐅᓪᓗᒥᒨᖓᓕᖅᑎᑕᐅᓂᖏᑦ ᐃᓪᓗᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᒋᔭᖅᑐᓄᑦ ᐊᑐᖅᑕᐅᔪᑦ ᐊᐅᓚᑕᐅᓂᖏᑦ (BAS) ᐃᓚᒋᔭᖓ ᐱᓚᒋᓪᓗᐊᑕᖅᑕᖏᑦ ᐅᑯᓇᓂ ᐊᑐᑦᑎᐊᕐᓂᖅ ᐱᓕᕆᐊᖅ. ᓄᑖᖑᑐᐃᓐᓇᕐᓂᖓᓅᖏᑦᑐᖅ ᐊᒻᒪ ᐱᐅᓯᑎᒋᐊᖅᑕᐅᓂᖓᓄ ᐃᓪᓗᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᒋᔭᖅᑐᓄᑦ ᐊᑐᖅᑕᐅᔪᑦ ᐊᐅᓚᑕᐅᓂᖏᑦ ᐱᔪᓐᓇᑎᑦᑎᓂᐊᖅᑐᑦ ᐊᐅᓚᑦᑎᑎᐊᕐᓂᖅᓴᐅᓗᑎ ᐃᓪᓗᒧᑦ ᐅᖅᑰᓴᕐᓂᖓ, ᐊᓂᕐᓂᖃᓇᕐᓂᖓ, ᖃᐅᒪᖃᕐᓂᖓ, ᐊᒻᒪ ᐊᓯᖏᑦ ᐆᒻᒪᖅᑯᑎᑐᖅᑐᑦ ᐊᑐᖅᑕᐅᔪᑦ, ᑭᓯᐊᓂ ᐊᑐᓂ ᐊᑐᖅᑕᐅᔪᑦ ᐅᖓᓯᑦᑐᒥᑦ ᐱᔭᔅᓴᐅᓂᐊᖅᑐᑦ ᓴᓇᒋᐊᖅᑕᐅᓴᖃᐃᓐᓂᖓᓄᑦ ᐱᒡᒐᓇᖏᑦᑐᒥᓪᓗ ᐊᒻᒪ ᓱᑲᑦᑐᒥᑦ, ᖃᓄᐃᓕᓯᒋᐊᕐᓂᖃᑦᑎᐊᕐᓗᓂ ᐊᓯᔾᔨᖅᑐᓄᑦ ᐃᓪᓗᒥᑦ. ᐱᖃᖅᑐᓂ ᐅᓪᓗᒥᒨᖓᔪᓂᑦ, ᐊᑐᖅᑕᐅᒐᔪᓐᓂᐅᔪᖅ ᐃᓪᓗᓄᑦ ᐃᑭᑦᑲᑕᐅᑎᒋᔭᖅᑐᓄᑦ ᖃᒥᑦᑕᐅᑎᒋᔭᖅᑐᓄᑦ ᐱᔪᓐᓇᑎᑦᑎᔪᖅ ᐊᕋᔅᓴᐅᔪᓂᑦ ᐊᑐᖅᑕᐅᑎᐊᕐᓂᖏᓐᓄᑦ ᐆᒻᒪᖅᑯᑎᓂᑦ ᐱᐅᖅᓱᐊᓂᒃᑯᑦ ᐸᕐᓇᐅᑎᓂᑦ ᐊᑦᑐᐊᓂᓖᑦ ᐊᐅᓚᑕᐅᓂᖏᓐᓄᑦ ᐊᑐᖅᑕᐅᓂᐊᖅᑐᑦ, ᐆᓇᕐᓂᖏᑦ ᐋᖅᑭᑦᑕᐅᔪᑦ, ᐊᒻᒪ ᓄᑖᑦ ᐆᓇᕐᓂᖃᕐᕕᒃ ᐊᒻᒪ ᐊᓂᕐᓂᖃᕐᕕᒃ ᐊᑐᖅᑕᐅᒐᔪᖃᑦᑕᖅᓂᖏᑦ. ᑖᒃᑯᐊ ᐸᕐᓇᐅᑏᑦ ᑕᑯᔅᓴᐅᑎᐊᖅᑐᑦ ᐊᐅᓚᑦᑎᔨᓄᑦ ᐊᑐᕐᓂᖃᑦᑎᐊᖅᑐᑎᑦ ᒪᑭᒪᑎᑦᑎᓂᕐᒧᑦ − ᐅᕝᕙᓘᓐᓃᑦ ᐱᐅᓯᑎᑦᑎᒋᐊᓂᕐᒥᑦ − ᐃᓂᖏᓐᓂ ᖃᓄᐃᓐᓂᖏᓐᓂᑦ ᐃᓗᐃᑦ ᐃᓗᐃᓂ, ᐱᐅᖅᓱᐊᓯᓐᓈᖅᑐᑎᑦ ᐆᒻᒪᖅᑯᑎᓂᑦ ᐊᒻᒪ ᐊᐅᓚᓂᖏᓐᓄᑦ ᐊᑭᖏᓐᓂᑦ ᖃᒥᑦᑕᐅᓪᓗᑎᑦ ᓱᓇᒃᑯᑖᑦ ᐊᑐᖅᑕᐅᔭᕆᐊᖃᖅᑎᓐᓇᒋᑦ ᐊᑐᖅᑕᐅᒋᐊᓖᑦ.
ᐃᓪᓗᓄᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᒋᔭᖅᑐᓄᑦ ᐊᑐᖅᑕᐅᔪᑦ ᐋᖅᑭᑦᑕᐅᓂᖏᑦ
ᓄᑖᑦ, ᐅᖓᓯᑦᑐᒥᑦ ᐱᔭᔅᓴᐅᔪᑦ ᖃᕋᓴᐅᔭᒃᑯᑦ ᐊᐅᓚᔾᔪᑎᖏᑦ ᐋᖅᑭᑦᑕᐅᕙᓪᓕᐊᔪᑦ ᐊᐅᓚᑕᐅᓗᑎ ᐊᖏᔪᓂᑦ ᐃᓪᓗᓂᑦ ᐊᑐᖅᑕᐅᔪᑦ. ᓇᓗᓇᐃᔭᖅᓯᒪᓂᖏᑦ ᖃᖓᒃᑰᓂᖏᑦ ᐅᓪᓗᒃᑯᑦ ᐊᑐᖅᑕᐅᓂᐊᖅᓯᒪᔪᑦ ᐃᓂᖓᓃᓐᓂᐊᖅᑐᑦ ᑖᒃᑯᓇᓂ ᐊᐅᓚᔾᔪᑎᖏᓐᓂᑦ ᑕᑯᔅᓴᐅᑎᑦᑎᓗᑎ ᑖᒃᑯᓂᖓᓪᓚᕆᒃ ᐊᐅᓚᓂᖏᓐᓄᑦ ᖃᓄᐃᓐᓂᕆᔭᖏᑦ, ᐱᖅᓱᐊᓂᐊᖅᑐᑦ ᐆᒻᒪᖅᑯᑎᓂᑦ ᐊᑐᖅᑕᐅᔪᑦ ᖃᒥᖃᑦᑕᕐᓗᒋᑦ ᐊᑐᖅᑕᐅᔪᓐᓃᑎᓪᓗᒋᑦ.
ᑭᕙᓪᓕᖅ
ᕿᑭᖅᑖᓗᒃ
ᐅᖓᓯᑦᑐᒥᑦ ᖃᐅᔨᓴᖃᑦᑕᕐᓂᖅ
ᐃᓪᓗᒧᑦ ᖃᓄᐃᓘᖃᑦᑕᕐᓂᖓᓄᑦ ᖃᐅᔨᓴᖃᑦᑕᓂᕐᒧᑦ ᐊᑐᖅᑕᐅᔪᑦ ᐊᒻᒪ ᐃᑲᔪᖃᑦᑕᓂᕐᒧᑦ ᐱᔨᑦᑎᖅᑕᐅᕙᓪᓕᐊᔪᑦ ᐱᑕᖃᖅᑎᑕᐅᓂᐊᖅᑐᑦ ᐊᑯᓂᐅᔪᒧᑦ ᓂᕈᐊᖅᑕᐅᓯᒪᔪᓂᑦ ᐃᓪᓗᓂᑦ ᖃᐅᔨᒪᒍᓇᓂᐊᕐᓗᒋᑦ ᐊᒻᒪ ᐊᖏᓛᖑᓗᑎ ᐆᒻᒪᖅᑯᑎᓄᑦ ᐱᐅᖅᓱᐊᕐᓂᖅ ᐊᒻᒪ ᐊᑦᑎᓪᓕᒋᐊᕐᓗᒋᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑏᑦ. ᑐᑭᓯᒋᐊᕈᑏᑦ ᓄᐊᑕᐅᔪᑦ ᐃᓪᓗᓂᑦ ᖃᓄᐃᓘᖃᑦᑕᕐᓂᖏᓐᓄᑦ ᖃᐅᔨᓴᖃᑦᑕᓂᑉᒥᑦ ᑐᓐᖓᕕᖏᑦ ᐱᑕᖃᖅᑎᑕᐅᓂᐊᖅᑐᑦ ᓱᑲᑦᑐᒥᑦ ᐊᒻᒪ ᐱᔪᓐᓇᑎᑦᑎᖃᑦᑕᕐᓗᓂ ᑕᕝᕙᑦᑕᐅᑎᒋ ᐊᐅᓚᑕᐅᓂᖏᑦ ᓱᓇᒃᑯᑖᑦ ᐊᒻᒪ ᐅᑎᖅᑎᑕᐅᓂᖏᑦ ᐋᖅᑭᑦᑕᐅᓯᒪᔪᓂᑦ ᐊᑐᖅᑕᐅᔪᓂᑦ ᐊᑦᑎᓪᓕᒋᐊᖅᑎᑦᑎᔪᓂᑦ ᐆᒻᒪᖅᑯᑎᓂᑦ ᖃᓄᐃᓘᖃᑦᑕᕐᓂᖏᓐᓄᑦ.
ᑭᕙᓪᓕᖅ
ᐊᐅᓚᔾᔪᑏᑦ ᐱᒋᐊᖅᑎᑕᐅᒃᑲᓂᕐᓂᖏᑦ
ᒫᓐᓇᐅᔪᒥᑦ ᐃᓪᓗᑕᖃᖅᑐᑦ ᐃᑭᑦᑕᐅᑎᒋᔭᖅᑐᓄᑦ ᖃᒥᑦᑕᐅᒋᔭᖅᑐᓄᑦ ᐊᑐᖅᑕᐅᔪᑦ ᐊᐅᓚᑕᐅᓂᖏᑦ ᐊᒥᓱᒐᓚᓐᓂᑦ ᐃᓪᓗᓂᑦ ᐊᐅᓚᓂᖃᖏᑦᑐᑦ ᓂᕆᐅᒋᔭᐅᓯᒪᔪᓂᑦ ᐊᒻᒪ ᑕᐃᒪᐃᓐᓂᖓᓄᑦ ᑎᑭᑦᑎᖏᑦᑐᑦ ᐊᑐᖅᑕᐅᔪᓐᓇᖅᑐᓂᑦ ᐆᒻᒪᖅᑯᑎᑐᓂᕐᒧᑦ ᐱᐅᖅᓱᐊᖅᑕᐅᔪᓐᓇᖅᑐᑦ. ᑖᒃᑯᐊ ᐅᓪᓗᒥᒨᖓᓕᖅᑎᓂᐊᖅᑕᕗᑦ ᐊᑐᖅᑕᐅᔪᑦ ᐊᑐᕐᓗᑎ ᓄᑖᒥ ᖃᕋᓴᐅᔭᒃᑯᑦ ᐱᓕᕆᕕᒻᒥᑦ ᐅᖓᓯᑦᑑᓪᓗᓂ ᐱᔭᔅᓴᐅᔪᖅ, ᓇᓗᓇᐃᖅᑕᐅᓂᖏᓐᓄᑦ ᓱᓇᒃᑯᑖᒧᑦ ᐋᖅᑭᓱᖅᑕᐅᔪᑦ, ᐊᒻᒪ ᐊᐅᓚᑦᑎᔨᓂᑦ ᐃᓕᓐᓂᐊᑎᑦᑎᓗᑎ ᒪᑭᒪᑎᑦᑎᓗᑎ ᐊᑐᖅᑕᐅᔪᒥᑦ ᐆᒻᒪᖅᑯᑎᓂᑦ ᐊᑐᑦᑎᐊᓂᖅᓴᐅᖁᓪᓗᒋᑦ ᐊᒻᒪ ᐃᓪᓗ ᖃᓄᐃᓘᖃᑦᑕᕐᓂᖓ ᓯᕗᒧᒋᐊᓂᕐᒧᑦ.
ᑭᕙᓪᓕᖅ
ᕿᑭᖅᑖᓗᒃ
ᐋᖅᑭᔅᓱᕋᔅᓴᐅᔪᑦ ᐅᖅᑰᓴᕆᐊᕈᑏᑦ
ᐱᑐᖃᐅᓂᖅᓴᐃᑦ ᐅᖅᑰᓴᕆᐊᕈᑏᑦ ᐅᖅᑰᓴᕐᓂᖃᖅᑎᑦᑎᔪᑦ ᑕᐃᒫᔅᓴᐃᓐᓇᖅ ᐋᖅᑭᑦᑕᐅᓯᒪᔪᓂᑦ ᐊᒻᒪ ᐆᒻᒪᖅᑯᑎᑐᕐᓂᓴᐅᓪᓗᑎ ᐱᑕᖃᕆᐊᖃᖅᑎᑕᐅᔪᓂᑦ, ᐱᓗᐊᖅᑐᒥᑦᐃᓂᐅᔪᓂᑦ ᓇᔪᖅᑕᐅᖏᑦᑐᑦ. ᑖᒃᑯᐊ ᐊᓯᔾᔨᖅᑕᐅᓂᐊᖅᑐᑦ ᐅᑯᓂᖓ ᐃᓪᓗᓂᑦ ᓄᑖᖑᓂᖅᓴᓄᑦ ᐋᖅᑭᔅᓱᕋᔅᓴᐅᔪᓂᑦ ᐅᖅᑰᓴᕆᐊᕈᑏᑦ ᐊᐅᓚᑦᑎᔪᓐᓇᓂᐊᕐᓗᑎ ᐆᓇᕐᓂᖓᓂ ᐋᖅᑭᑦᑕᐅᓯᒪᔪᓂᑦ ᐊᑐᖅᑕᐅᓂᐊᖅᑐᓂᑦ ᓇᓕᒧᓐᓂᖃᖅᑐᑦ ᓇᔪᖅᑕᐅᒍᓐᓃᑎᓪᓗᒋᑦ.
ᑭᕙᓪᓕᖅ
ᕿᑭᖅᑖᓗᒃ
ᓄᓇᓯᐅᑎᖃᕐᕕᓐᓄᑦ ᑲᑉᐳᔾᔨᕕᑦ ᐊᐅᓚᑕᐅᓂᖏᑦ
ᓄᓇᓯᐅᑎᖃᕐᕕᓐᓄᑦ ᑲᑉᐳᔾᔨᕕᑦ ᐃᑲᔪᖃᑦᑕᖅᑐᑦ ᓄᓇᓯᐅᑏᑦ ᐊᐅᓚᔾᔭᐅᑎᖏᑦ ᐱᔪᓐᓇᕐᓗᑎ ᓯᓚᖓ ᓂᓪᓕᓇᖅᑎᓪᓗᒍ, ᑭᓯᐊᓂ ᒫᓐᓇᐅᔪᒥᑦ ᐅᖅᑰᓴᐅᑏᑦ ᐃᖏᕋᐃᓐᓇᖃᑦᑕᖅᑐᑦ ᐊᑐᖅᑕᐅᓕᕋᐃᒻᒪᑕ. ᐋᖅᑭᔅᓯᓂᐅᓴᔪᒍᑦ ᓄᓇᓯᐅᑎᖃᕐᕕᓐᓄᑦ ᑲᑉᐳᔾᔨᕕᓐᓄᑦ ᐊᐅᓚᔾᔪᑎᖏᑦ ᐆᓇᕐᓂᖓᓄᑦ ᖃᐅᔨᓴᐅᑎᖃᖅᑐᑎᑦ ᐊᔾᔨᒌᖏᑦᑐᓄᑦ ᐊᒻᒪ ᑭᖑᕙᖅᑎᓪᓗᒍ ᐆᒻᒪᖅᑯᑎᖃᖅᑎᑕᐅᓂᖓ ᑐᓐᖓᓂᖃᖅᑐᖅ ᓯᓚᐅᑉ ᓂᓪᓕᓇᕐᓂᖓᓄᑦ ᐃᑲᔪᕐᓗᑎ ᐊᑦᑎᓕᒋᐊᕐᓗᒋᑦ ᐆᒻᒪᖅᑯᑎᑐᖅᑐᑦ ᑖᒃᑯᓂᖓ ᑲᑉᐳᔾᔨᕕᓐᓂᑦ ᐅᑯᓇᓂ ᐃᓪᓗᓂᑦ:
