ᐆᒻᒪᖅᑯᑎᑐᖃᑦᑕᕐᓂᖅ ᓇᑲᑕᐅᔪᓐᓇᖅᑐᑦ ᐃᓪᓗᕗᑦ ᐱᐅᓛᓂᑦ ᐊᐅᓚᓂᖃᖅᑎᒐᓱᐊᕐᓗᒋᑦ, ᑭᓯᐊᓂ ᐃᓄᐃᑦ ᐱᖃᑕᐅᔭᕆᐊᖃᕐᒥᔪᑦᑕᐅᖅ! ᑕᐃᒪᐃᓐᓂᖓᓄᑦ ᐊᑐᑦᑎᐊᕐᓂᖅ ᐱᖃᓯᐅᔾᔨᔪᑦ ᐃᓕᓐᓂᐊᑎᑦᑎᓂᕐᒥᑦ ᐊᒻᒪ ᑐᑭᓯᒋᐊᕈᑎᓂᑦ ᓇᓗᓇᐃᔭᖅᓯᒪᔭᕆᐊᓕᓐᓄᑦ ᖃᐅᔨᒪᓂᐅᔪᓂᑦ ᐊᑦᑐᐊᓂᓖᑦ ᐆᒻᒪᖅᑯᑎᓂᑦ ᐊᐅᓚᑦᑎᓂᕐᒧᑦ ᐊᒻᒪ ᐅᔾᔨᕈᓱᑦᑎᑎᒃᑲᓂᖅᑐᑦ ᐱᒻᒪᕆᐅᓂᖓᓂ ᐆᒻᒪᖅᑯᑎᓂᑦ ᐱᐅᖅᓱᐊᓂᕐᒥᑦ. ᖃᓄᐃᓐᓂᕆᓂᐊᖅᑕᖓᓂᓕ, ᒐᕙᒪᒃᑯᓐᓄᑦ ᐃᓪᓗᖏᑦ ᒪᓕᒐᔅᓴᑦᑎᐊᕙᐅᖁᔭᕗᑦ ᐆᒻᒪᖅᑯᑎᓂᑦ ᐱᐅᖅᓱᐊᓂᕐᒧᑦ ᑕᒪᒃᑭᓐᓂ ᓇᓗᓇᐃᔭᖅᓯᒪᔭᕆᐊᓕᖏᓐᓂᑦ ᐊᒻᒪ ᐊᐅᓚᓂᖏᓐᓄᑦ.
ᐃᓱᐊᓂ ᐊᑐᖃᑦᑕᖅᑐᑦ ᐆᒻᒪᖅᑯᑎᓂᑦ ᐅᔾᔨᕈᓱᑦᑎᑦᑎᓂᖅ
ᖃᓄᖅ ᐊᑐᖅᐸᑕᑦᑎᓐᓂᑦ ᐃᓪᓗᓂᑦ ᖃᐅᑕᒫᑦ ᐃᖅᑲᓇᐃᔭᓂᕐᒧᑦ, ᐳᓛᕆᐊᓂᕐᒧᑦ, ᐊᒻᒪ ᐃᓕᓐᓂᐊᓂᕐᒧᑦ ᐊᑦᑐᐃᓂᖃᖅᑐᑦ ᐆᒻᒪᖅᑯᑏᑦ ᖃᓄᐃᓘᖃᑦᑕᕐᓂᖏᓐᓄᑦ, ᐊᑦᑐᐃᓂᖃᖅᑎᑎᓪᓗᓂ ᐳᔪᕐᓗᓂ ᓯᓚᒨᖅᑲᐃᓂᕆᔭᖏᓐᓄᑦ. ᐆᒻᒪᖅᑯᑎᓂᑦ ᐅᔾᔨᕈᓱᑦᑎᑦᑎᓂᕐᒧᑦ ᑐᓴᖅᑎᑦᑎᒋᐊᕐᓂᖅ ᐱᓕᕆᐊᖑᓕᖅᑐᖅ ᒐᕙᒪᒃᑯᑦ ᐃᓪᓗᖏᓐᓂᑦ ᐃᓪᓗᒥᑦ ᓇᔪᖅᓯᓪᓗᐊᑕᖃᑦᑕᖅᑐᑦ ᑐᓂᓯᓗᓂ ᖃᐅᔨᒪᓂᐅᔪᓂᑦ ᐊᒻᒪ ᑐᑭᓯᒋᐊᕈᑎᓂᑦ ᐊᑦᑎᓪᓕᒋᐊᕈᓐᓇᖅᑐᓂᑦ ᐃᓪᓗᒧᑦ ᐊᕙᑎᒧᑦ ᐃᓂᖏᓐᓂᑦ.
ᓄᑖᑦ ᓱᓇᒃᑯᑖᑦ, ᐊᑐᖅᑕᐅᔪᑦ ᐊᒻᒪ ᐱᕙᓪᓕᐊᓂᖏᑦ ᓴᓇᓯᒪᔪᑦ ᑎᑭᑦᑎᓗᑎ ᐆᒻᒪᖅᑯᑎᓂᑦ ᐱᐅᖅᓱᐊᓂᕐᒥᑦ ᐱᑕᖃᕆᐊᖃᖅᑎᑦᑎᔪᑦ ᐃᓕᓐᓂᐊᓂᕐᒥᑦ ᐊᐅᓚᑦᑎᔩᑦ ᐊᑐᕐᓂᐊᖅᑐᑦ ᑖᒃᑯᓂᖓ ᐊᑐᖅᑕᐅᕙᑦᑐᓂᑦ ᖃᐅᑕᒫᑦ. ᐃᓕᓐᓂᐊᓂᕐᒧᑦ ᐋᖅᑭᒍᑏᑦ ᓴᓇᓯᒪᔪᑦ ᐊᑖᓂ ᐱᒋᐊᖅᓯᒪᓪᓗᑎ ᑎᑭᑦᑎᓗᑎ ᐊᔾᔨᐅᖏᑦᑐᒥᑦ ᐊᔪᖏᓐᓂᐅᔪᓂᑦ−ᐱᕙᓪᓕᐊᑎᑦᑎᓂᕐᒧᑦ ᐱᕕᔅᓴᐅᔪᓐᓇᖅᑐᑦ ᐊᒻᒪ ᐊᑕᖏᖅᑐᒋᑦ ᐃᓪᓗᓂᑦ ᐊᐅᓚᑦᑎᔩᑦ ᑐᕌᒐᕆᔭᖃᖅᓯᒪᔭᖏᓐᓂᑦ.
