ᓯᕿᓂᕐᒧᑦ ᐃᒥᕐᒧᑦ ᐅᓇᖅᑐᖁᑕᐅᑏᑦ ᐃᒥᕐᒥᑦ ᓯᕿᓂᒃᑰᖓᔪᒃᑰᖅᑐᑦ ᓱᓪᓗᓕᖏᑎᒍᑦ, ᐅᓇᖅᓯᑎᑦᑎᔪᑦ ᐃᒥᕐᒥᑦ ᐃᓪᓗᒨᓚᐅᖅᑎᓐᓇᒍ ᐆᓇᖅᑐᖃᐅᑎᖏᓐᓄᑦ ᐊᑐᖅᑕᐅᔪᓄᑦ. ᑖᓐᓇ ᐱᔪᓐᓇᑎᑦᑎᔪᖅ ᐃᒥᕐᒧᑦ ᐆᓇᖅᑐᓕᐅᕈᑎᖓ ᐊᑐᖏᓂᖅᓴᐅᓗᓂ ᐆᒻᒪᖅᑯᑎᓂᑦ ᐆᓇᖅᓯᑎᒌᕋᓱᓪᓗᒍ ᐃᓚ ᐆᖅᑰᓴᖅᐸᓪᓕᐊᓂᖓᓄᑦ ᐃᒥᖅ ᐆᓇᖅᑐᖅ ᐊᑐᖅᑕᐅᓚᐅᖅᑎᓐᓇᒍ ᐅᕕᓂᓐᓂᐊᕕᓐᓄᑦ ᐊᒻᒪ ᐅᐊᓴᕐᕕᓄᑦ.

ᓯᕿᓂᕐᒧᑦ ᓯᓚᒧᑦ ᐆᓇᖅᑐᖃᑏᑦ ᐊᖏᔪᖅ ᕿᕐᓂᖅᑕᐃᑦ ᓯᕿᓂᕐᒦᖔᖅᑐᓂᑦ ᐱᔪᑦ ᐋᖅᑭᑦᑕᐅᓯᒪᔪᑦ ᐃᓪᓗᒥ ᐊᕙᓗᖏᓐᓂ ᓴᖅᑭᔮᖅᑐᑎᑦ ᓯᕿᓂᕐᒧᑦ. ᐊᓂᕐᓂᖃᕐᓇᖅ ᐱᔭᐅᔪᑦ ᐋᖅᑭᑦᑕᐅᓯᒪᔪᓂᑦ ᐊᒻᒪ ᐃᓪᓗᒨᖅᑕᐅᓪᓗᑎ ᐆᓇᖅᑐᖃᐅᑎᖓᓄᑦ ᐊᑐᖅᑕᐅᔪᒧᑦ, ᐅᖅᑰᓯᕙᓪᓕᐊᑎᑦᑎᕙᓕᐊᓪᓗᓂ. ᐆᓇᕐᓂᖅᓴᖅ ᐊᓂᕐᓂᖃᕐᕕᒃ ᐅᖅᑰᓴᐅᑎᒃᑯᕕᖏᖏᓐᓅᑎᓪᓗᒋᑦ, ᑖᓐᓇ ᐊᑐᖅᑕᐅᔪᖅ ᐊᑐᖏᓂᖅᓴᐅᔪᓐᓇᖅᑐᖅ ᐆᒻᒪᖅᑯᑎᓂᑦ ᐅᖅᑰᓴᖅᑏᓇᕐᓗᒍ ᐊᓯᔾᔨᖅᑕᐅᓂᖏᒃᑯᓂ ᓯᓚᒦᖔᖅᑐᑦ ᓂᓪᓕᓇᐃᓐᓇᕋᔭᖅᑐᑦ.

ᓯᕿᓂᕐᒧᑦ ᖃᐅᒪᔪᒥᑦ ᐆᒻᒪᖅᑯᑎᓕᐅᕈᑎ (PV) ᐊᑐᖅᑕᐅᔪᑦ ᓯᕿᓂᕐᒦᖔᖅᑐᓂᑦ ᐆᒻᒪᖅᑯᑎᓕᐅᖅᐸᑦᑐᑦ. ᐊᑐᖅᑕᐅᔪᖅ ᐋᖅᑭᔅᓯᒪᓕᑐᐊᕈᓂ, ᐆᒻᒪᖅᑯᑎᓕᐅᕐᓂᖓ ᐊᑦᑎᑦᑐᖅ ᐊᒻᒪ ᐳᔪᕐᓗᓕᐅᖏᑦᑐᑦ. ᓯᕿᓂᕐᒧᑦ ᖃᐅᒪᔪᒥᑦ ᐆᒻᒪᖅᑯᑎᓕᐅᕈᑎ ᐱᒻᒪᕆᐅᔪᓐᓇᖅᑐᑦ ᐃᓚᔭᐅᓗᑎ ᓄᓇᕗᒻᒥ ᐆᒻᒪᖅᑯᑎᓂᑦ ᑲᑎᓐᖓᔪᓂᑦ, ᐱᓗᐊᖅᑐᒥᑦ ᐅᑭᐅᑕᖅᑐᒥ ᐊᐅᔭᒃᑯᑦ ᐅᓪᓗᖏᓐᓂ ᓯᕿᓂᕐᒦᖔᖅᑐᑦ ᐆᒻᒪᖅᑯᑎᕈᖅᑎᑕᐅᓪᓗᑎᑦ ᐊᑦᑎᓪᓕᒋᐊᖅᑎᑦᑎᔪᑦ ᐱᔭᐅᔪᒪᔪᓂᑦ ᐅᖅᓱᐊᓗᑦᑐᖅᑐᓄᑦ ᐆᒻᒪᖅᑯᑎᓕᐅᕐᕕᓐᓂᑦ.