ᐃᖃᓗᐃᑦ

ᐊᑐᑦᑎᐊᕐᓂᖅ ᒥᔅᓵᓄᑦ: ᐃᖃᓗᐃᑦ

ᐃᖃᓗᖕᓂ ᐱᒋᐊᙵᐅᑦ ᐱᓕᕆᐊᖅ ᓯᕗᓪᓕᖅᐹᖑᓚᐅᖅᑐᖅ ᖃᐅᒻᒪᖅᑯᑎᓕᕆᓂᕐᒥ ᐱᓕᕆᓂᕐᒥ ᑳᓐᑐᕌᒃᑎᒥ ᐱᓕᕆᔭᐅᔪᒥ ᐃᓚᒋᔭᐅᓪᓗᓂ ᓄᓇᕗᒻᒥ ᒐᕙᒪᒃᑯᑦ ᓄᓇᕗᒻᒥ ᖃᐅᒻᒪᖅᑯᑎᓕᕆᓂᕐᒥ ᐊᐅᓚᑦᑎᓂᕐᒥ ᐱᓕᕆᐊᖑᔪᒥ. ᑖᓐᓇ ᐱᓕᕆᐊᖅ ᐃᓚᖃᓚᐅᖅᑐᖅ ᑮᓇᐅᔭᖃᖅᑎᑕᐅᓂᕐᒥ ᐊᒻᒪᓗ ᐱᓕᕆᓂᕐᒥ ᐊᖏᔪᒥ ᖃᐅᒻᒪᖅᑯᑎᓕᕆᓂᕐᒥ ᐱᐅᖅᓱᐊᕐᓂᕐᒧᑦ ᓄᑖᙳᕆᐊᖅᑎᑦᑎᓂᕐᒥ 37−ᓂ ᒐᕙᒪᒃᑯᑦ ᐃᒡᓗᖁᑎᖏᓐᓂ ᓄᓇᕗᑦ ᓄᓇᓕᐸᐅᔭᖓᓂ ᐃᓂᖃᖅᑐᓂ, ᐊᒻᒪᓗ ᐃᓚᖃᓚᐅᖅᖢᓂ ᓂᕈᐊᖅᓯᓂᕐᒥ ᓴᓇᑦᑎᐊᖅᓯᒪᔪᓂ ᐳᔪᕐᓗᓕᐅᖏᑦᑐᓂ ᖃᐅᒻᒪᖅᑯᑎᓕᕆᓂᕐᒧᑦ ᐋᖅᑭᒃᓱᖅᓯᒪᔪᓂ ᐃᓕᐅᖅᑲᐃᓂᕐᒥ. $12.6 ᒥᓕᐊᓐᓂ ᐊᑭᖃᖅᑐᖅ ᐃᖃᓗᖕᓂ ᐱᒋᐊᙵᐅᑦ ᐱᓕᕆᐊᖅ ᐱᓕᕆᑦᑎᐊᖅᖢᓂ ᐱᔭᕇᖅᑕᐅᓚᐅᖅᑐᖅ 2016−ᒥ ᐊᑐᓕᖅᑎᑕᐅᓚᐅᖅᖢᓂ ᐊᕐᕌᒍᓄᑦ ᑎᓴᒪᓄᑦ, ᐅᓄᖅᑐᓂ−ᐱᒋᐊᕈᑕᐅᔪᒥ ᒪᓕᒃᑕᐅᓗᓂ ᖃᐅᒻᒪᖅᑯᑎᓕᕆᓂᕐᒧᑦ ᐊᑭᒃᖠᒋᐊᕈᑕᐅᔪᓂᑦ ᓇᐅᑦᑎᖅᓱᕐᓂᕐᒥ ᐊᕐᕌᒍᑕᒫᑦ ᐊᕐᕌᒍᓄᑦ ᒪᕐᕉᖕᓄᑦ. ᐊᕐᕌᒍᑕᒫᑦ ᐱᓕᕆᓂᖓᑕ ᓇᐅᑦᑎᖅᓱᖅᑕᐅᓂᖓ ᑕᑯᑎᑦᑎᓚᐅᖅᑐᖅ ᐃᖃᓗᖕᓂ ᐱᒋᐊᙵᐅᑦ ᐱᓕᕆᐊᖅ ᐱᐅᔪᒥ ᖃᐅᒻᒪᖅᑯᑎᓕᕆᓂᕐᒧᑦ ᐊᑦᑎᒃᓯᒋᐊᖅᑎᑦᑎᓂᖓᓂ ᐊᕐᕌᒍᑕᒫᑦ ᐊᑭᓚᐅᖅᖢᓂ $2 ᒥᓕᐊᓐ ᐅᖓᑖᓂᑦ – 20% ᐊᑦᑎᒃᓯᒋᐊᖅᑐᑦ ᓇᓗᓇᐃᖅᑕᐅᓯᒪᔪᒧᑦ ᐱᒋᐊᕈᑎᒧᑦ ᐊᕐᕌᒍᒧᑦ. ᑖᓐᓇ ᐊᑭᒃᖠᒋᐊᕈᑕᐅᔪᖅ ᐱᓕᕆᐊᖑᔪᖅ ᖁᕝᕙᓯᖕᓂᖅᓴᐅᓚᐅᖅᑐᖅ 25% ᖃᐅᔨᒪᔭᐅᔪᒧᑦ ᑐᕌᒐᐅᔪᒥᑦ ᐱᓕᕆᐊᖑᔪᒧᑦ, ᓇᓗᓇᐃᖅᓯᓪᓗᓂ ᐱᓕᕆᐊᖑᔪᖅ ᐊᑭᓖᒃᑲᓐᓂᕐᓂᖓᑕ ᐊᑭᓕᖅᓱᖅᑕᐅᓂᖓ ᐱᕕᑭᓐᓂᖅᓴᐅᓂᐊᕐᓂᖓᓂ ᐃᓱᒪᒋᔭᐅᔪᒥ. ᖃᐅᒻᒪᖅᑯᑎᓕᕆᓂᕐᒥ ᐱᐅᖅᓱᐊᕐᓂᖅ ᐃᒡᓗᖁᑎᓄᑦ ᓯᕗᒻᒧᒃᑎᑦᑎᓚᐅᖅᑐᖅ ᐊᕐᕌᒍᑕᒫᑦ ᐊᓂᕐᓂᖃᕐᓇᖅᑐᖅ ᐊᔪᓕᖅᑎᑦᑎᔪᑦ ᐳᔪᕐᓗᐃᑦ (GHG) ᐊᑦᑎᒃᓯᑎᑕᐅᓪᓗᑎᒃ 2,405 ᑕᓐᔅᒥ ᐊᔾᔨᐸᓗᖏᑦ ᑳᐸᓐ ᐳᔪᕐᓗᖕᓂ – ᐊᑦᑎᒃᓯᒋᐊᖅᑐᖅ ᓇᓕᒧᖃᖅᑐᖅ ᐊᕐᕌᒍᑕᒫᑦ ᐳᔪᕐᓗᐃᑦ 320−ᓄᑦ ᐃᒡᓗᓄᑦ ᕿᑎᕋᖅᑕᖏᓐᓂ ᐳᔫᖅᑎᑕᐅᕙᒃᑐᑦ. ᐊᑭᖃᖅᑐᖅ ᐃᖃᓗᖕᓂ ᐱᒋᐊᙵᐅᑦ ᐱᓕᕆᐊᖅ ᐱᓕᕆᑦᑎᐊᖅᑐᒥ ᐱᔭᕇᖅᑕᐅᓂᖓ ᐊᒻᒪᓗ ᑕᑯᑎᑦᑎᓂᖓ ᐊᑭᒃᖠᒋᐊᕈᑕᐅᔪᑦ ᐱᓕᕆᓂᖓ ᐊᖏᔫᓂᖏᓐᓂ ᓱᓕᔪᒥ−ᐃᓱᒪᒋᔭᐅᔪᒥ ᐊᑐᑦᑎᐊᕐᓂᖅ ᖃᐅᒻᒪᖅᑯᑎᓕᕆᓂᕐᒧᑦ ᐱᓕᕆᐊᖑᔪᒥ ᑭᖑᓂᖓᓂ ᐋᖅᑭᒃᓱᖅᑕᐅᓯᒪᔪᒥ ᐊᒻᒪᓗ ᐊᑐᓕᖅᑎᑕᐅᔪᒥ ᓄᓇᕘᓕᒫᒥᑦ ᑎᓴᒪᓂ ᐊᕕᒃᑐᖅᓯᒪᔪᖁᑎᖏᓐᓂ ᑭᕙᓪᓕᕐᒥ, ᕿᑭᖅᑖᓗᖕᒥ ᐅᐊᖕᓇᖓᓂ, ᕿᑭᖅᑖᓗᖕᒥ ᓂᒋᐊᓂ ᐊᒻᒪᓗ ᕿᑎᕐᒥᐅᓂ.