D ᐃᒥᖅᑐᖃᑦᑕᕐᓂᖓ
ᐃᒥᖅ ᐱᒻᒪᕆᐅᓛᖑᑎᑕᕗᑦ ᓄᓇᒦᖔᖅᑐᖅ. ᑭᒃᑯᑐᐃᓐᓇᐃᑦ ᐊᑐᕈᓐᓇᖅᑐᑦ ᐊᐅᓚᓂᖃᑦᑎᐊᖅᑐᒥᑦ ᐃᒥᖅᑐᖃᑦᑕᓂᕐᒥᑦ ᖃᐅᑕᒫᑦ ᐃᓅᓯᕐᓂᑦ, ᑭᓯᐊᓂ ᐊᐅᓚᓂᖃᑦᑎᐊᖅᑐᓂᑦ ᐃᒥᕐᓄᑦ ᑯᕕᕕᖏᑦ ᐊᒻᒪ ᐃᓪᓗᒨᖓᔪᑦ ᐊᖏᔪᒥᑦ, ᐃᑲᔪᕐᓂᖃᒻᒪᕆᑦᑐᑦᑕᐅᖅ. ᒐᕙᒪᒃᑯᑦ ᐃᓪᓗᖏᑦ ᐃᓚᒋᔭᐅᖃᑕᐅᔪᑦ ᐊᑦᑎᓪᓕᒋᐊᖅᑎᑎᓪᓗᑎ ᐱᔭᐅᔪᒪᔪᓂᑦ ᐃᒥᕐᓂᑦ ᐊᒻᒪ ᖁᕝᕙᕆᐊᖅᑕᐅᓗᓂ ᐃᒥᕐᓂᑦ ᐊᑐᑦᑎᐊᓂᕐᒧᑦ ᖃᖓᑐᐃᓐᓇᒃᑯᑦ ᑕᐃᒪᐃᒍᓐᓇᑎᓪᓗᒍ. ᑖᓐᓇ ᐱᖃᓯᐅᔾᔨᔪᖅ ᐊᓯᔾᔨᖅᑕᐅᓂᖏᑦ ᐊᒥᓲᓂᖅᓴᐃᑦ ᒫᓐᓇᐅᔪᒥᑦ, ᐊᐅᓚᓂᖃᑦᑎᐊᖏᑦᑐᑦ ᐃᒥᕐᓄᑦ ᓱᓪᓗᓖᑦ ᓄᑖᓄᑦ, ᖁᕝᕙᓯᑦᑐᒥᑦ ᐊᐅᓚᓂᖃᑦᑎᐊᖅᑐᑦ “ᐊᑦᑎᑦᑐᒥᑦ ᐃᖏᕋᓂᓕ” ᑯᕕᕕᖏᑦ ᐱᑕᖃᖅᑎᑦᑎᔪᑦ ᐊᔾᔨᒌᓂᑦ, ᐅᕝᕙᓘᓐᓃᑦ ᐱᐅᓂᖅᓴᓂᑦ, ᐃᒥᕐᒧᑦ ᐳᓪᓚᖃᕐᓂᖓᓄᑦ ᖃᓄᐃᓘᖃᑦᑕᕐᓂᖓᓄᑦ ᐃᒥᖅᑐᖏᓐᓂᓴᐅᓪᓗᑎ.
ᖁᕝᕙᓯᑦᑐᓂᑦ ᐊᐅᓚᓂᖃᖅᑐᑦ ᐃᕕᓂᓐᓂᐊᕈᑏᑦ ᑯᕕᕕᖏᑦ ᐊᒻᒪ ᐅᐊᓴᕐᕕᑦ ᑯᕕᕕᖏᑦ
ᖁᕝᕙᓯᑦᑐᓂᑦ ᐊᐅᓚᓂᖃᖅᑐᑦ ᐃᕕᓂᓐᓂᐊᕈᑏᑦ ᑯᕕᕕᖏᑦ ᐊᒻᒪ ᐅᐊᓴᕐᕕᑦ ᑯᕕᕕᖏᑦ ᐃᒥᕐᑐᖏᓐᓂᖅᓴᐃᑦ ᐱᔾᔪᑎᒋᓗᒋᑦ ᓄᑖᓄᑦ ᐊᒻᒪ ᐱᐅᓯᑎᒋᐊᖅᓯᒪᔪᓄᑦ. ᐊᒥᓱᑦ ᐅᐊᓴᕐᕕᓐᓄᑦ ᑯᕕᕕᖏᑦ ᑯᕕᑦᑕᐅᒋᔭᓕᖅᑐᑦ ᖃᐅᔨᔾᔪᑎᖃᖅᑐᑎᑦ ᐃᒥᖅ ᓄᖅᑲᑲᑦᑕᕐᓗᓂ ᐃᒻᒥᓂᒃ ᐊᑐᖅᑕᐅᒍᓐᓃᕋᑖᖅᑎᓪᓗᒍ. ᓄᑖᑦ ᑯᕕᕕᖏᑦ ᐋᖅᑭᓱᖅᑕᐅᔪᑦ ᐅᑯᓂᖓ ᐃᓪᓗᓂᑦ:
ᑭᕙᓪᓕᖅ
ᕿᑭᖅᑖᓗᒃ
ᖁᕝᕙᓯᑦᑐᓂᑦ ᐊᐅᓚᓂᖃᖅᑐᑦ ᐊᓇᕐᕕᖏᑦ ᐊᒻᒪ ᖁᐃᕕᖏᑦ
ᖁᕝᕙᓯᑦᑐᓂᑦ ᐊᐅᓚᓂᖃᖅᑐᑦ ᐊᓇᕐᕕᖏᑦ ᐊᒻᒪ ᖁᐃᕕᖏᑦ ᖁᕝᕙᕆᐊᖅᑎᑦᑎᔪᑦ ᐃᒥᕐᒧᑦ ᐳᓪᓚᖏᓐᓂᑦ ᐊᑐᓂ ᑯᕕᑎᑕᐅᔪᓂᑦ ᐊᒻᒪ ᑭᓪᓕᖃᖅᑎᑎᓪᓗᑎ ᐃᒥᕐᒥᑦ ᐊᑐᖅᑕᐅᔪᒥᑦ ᐊᑐᓂ, ᑯᕕᑎᑕᐅᔪᓂᑦᑕᐅᖅ. ᑖᓐᓇ ᐊᖏᓂᖃᖅᑐᖅ 40% ᐊᑦᑎᓪᓕᒋᐊᖅᑐᑦ ᐃᒥᑦᑐᖃᑦᑕᕐᓂᖓ ᐊᑐᓂ ᖃᕕᑎᑕᐅᔪᑦ − ᖃᑎᑦᑐᒋᑦ ᐅᕙᒍᑦ ᐱᓕᕆᕕᖏᓐᓂᑦ ᐃᓪᓗᓂᑦ ᐊᒥᓱᒐᓚᓐᓂᑦ ᐊᕐᓇᕐᕕᖃᖅᑐᑦ. ᖃᐅᔨᓴᐅᑎᓖᑦ ᑯᕕᓯᑦᑕᐅᑎᒋᔭᖅᑐᓄᑦ ᐃᓚᔭᐅᕙᓪᓕᐊᔪᑦ ᐃᑲᔪᕐᓗᑎ ᐃᒥᖅᑐᖏᓐᓂᖅᓴᐅᓗᑎ ᐊᑐᓂ ᑯᕕᕕᐅᔪᓂᑦ.
