ᐊᑐᑦᑎᐊᕐᓂᖅ ᐱᓕᕆᐊᖅ ᑐᕌᒐᖃᖅᑐᖅ ᐊᑦᑎᓪᓕᒋᐊᖅᑎᑦᑎᓗᑎ ᓄᓇᕗᒻᒥ ᐳᔪᕐᓗᓐᓂᑦ ᓯᓚᒨᖅᑕᐅᔪᑦ ᐊᒻᒪ ᐆᒻᒪᖅᑯᑎᓄᑦ ᐊᑭᖏᑦ ᒐᕙᒪᒃᑯᑦ ᐃᓪᓗᖏᓐᓂᑦ ᓄᓇᕗᓕᒫᒥᑦ. ᐊᑎᖓᒍᑦ ᐅᖃᖅᓯᒪᓂᖓᑎᒍᑦ − ᐃᓄᐃᑦ ᐃᓱᒪᒋᔭᖏᑦ ᐊᑐᖅᑕᐅᓂᖓ ᐊᑦᑕᑯᓕᐅᖏᓪᓗᓂ – ᑖᓐᓇ ᐱᓕᕆᐊᖅ ᐱᓗᐊᕐᔭᐃᑎᑦᑎᔪᖅ ᐆᒻᒪᖅᑯᑎᓂᑦ ᐃᒋᑕᐅᔪᓂᑦ ᐃᓪᓗᓂᑦ, ᐊᒻᒪ ᑖᒃᑯᐊ ᐃᓪᓗᐃᑦ ᖃᓄᐃᓘᕐᓂᖃᕐᓗᑎ ᐱᓪᔪᑎᒋᓂᐊᖅᓯᒪᔭᖏᓐᓄᑦ ᓄᑕᐅᓐᖑᖅᑎᑕᐅᓂᖏᓐᓄᑦ ᐱᖁᑎᕐᔪᐊᑦ ᐊᒻᒪ ᐱᓕᕆᑎᑦᑎᓂᕐᒥᑦ ᐊᑐᑦᑎᐊᓂᖅᓴᓂᑦ, ᐊᐅᓚᓂᖃᑦᑎᐊᓂᖅᓴᓂᑦ ᐊᑐᖅᑕᐅᔪᓂᑦ. ᐊᑐᑦᑎᐊᕐᓂᖅ ᐃᓚᒋᔭᖓ ᓄᓇᕗᑦ ᒐᕙᒪᒃᑯᑦ ᐆᒻᒪᖅᑯᑎᓂᑦ ᐸᕐᓇᐅᒻᒥᑦ, “ᐃᑯᒻᒪᑏᑦ”. ᖃᐅᔨᒋᐊᒃᑲᓐᓂᕈᓐᓇᖅᑐᑎᑦ ᐊᑐᑦᑎᐊᕐᓂᖅ ᐊᑐᓕᖅᑎᑕᐅᓂᖓᓄᑦ ᓄᓇᕗᒻᒥ ᐅᑯᑎᒎᓇ “ᐱᓕᕆᐊᑦ” ᐃᓚᖓ.
ᐊᑐᑦᑎᐊᕐᓂᖅ ᑲᔪᓰᓐᓇᖅᑐᖅ ᐆᒻᒪᖅᑯᑎᓂᑦ ᐊᑐᑦᑎᐊᓂᕐᒧᑦ ᐱᓕᕆᐊᖅ ᐱᓕᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂᑦ ᒫᓐᓇᐅᔪᒥᑦ ᒐᕙᒪᒃᑯᑦ ᐃᓪᓗᖏᓐᓂᑦ.
ᖁᕝᕙᕆᐊᖅᑕᐅᓗᓂ ᐊᐅᓚᔪᓐᔾᓇᐅᑎᓂᑦ ᐊᑐᑦᑎᐊᕐᓂᖅ ᐊᒥᓱᓂᑦ ᐃᑲᔫᓯᐊᖃᖅᑎᑦᑎᔪᖅ: ᐊᑦᑎᓂᖅᓴᐃᑦ ᐊᑭᖏᑦ, ᐱᐅᓯᑎᒋᐊᖅᓯᒪᔪᑦ ᐃᓪᓗᐃᑦ ᖃᓄᐃᓐᓂᖏᑦ, ᐊᒻᒪ ᐊᑦᑎᓪᓕᒋᐊᖅᑐᓂ ᐳᔪᕐᓗᐃᑦ ᓯᓚᒨᔪᑦ. ᐊᑭᒋᑦᑕᐅᑎᒋᔭᖏᑦ ᐊᑐᓕᖅᑎᑕᐅᓂᖓᓄᑦ ᐃᓪᓗᓂᑦ ᐆᒻᒪᖅᑯᑎᓂᑦ ᐊᑐᑦᑎᐊᓂᕐᒧᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᑎᑭᑦᑎᔪᑦ ᑖᒃᑯᓂᖓ ᐃᑲᔫᓯᐊᓂᑦ ᐊᑭᓕᖅᑕᐅᔪᑦ ᓯᕗᓂᔅᓴᒥ ᐆᒻᒪᖅᑯᑎᓄᑦ ᑮᓇᐅᔭᖅᑐᓗᐊᖏᒍᑎᒋᔭᖏᓐᓄᑦ ᐊᑯᓂᐅᔪᒧᑦ. ᐊᑐᑦᑎᐊᕐᓂᖅ ᐃᖅᑲᓇᐃᔭᕐᓂᖓ ᐱᖃᓯᐅᔾᔨᒐᔪᑦᑐᑦ ᓴᓇᒋᐊᖅᑕᐅᑲᓐᓂᕐᓂᖏᓐᓄᑦ ᒫᓐᓇᐅᔪᒥᑦ ᐃᓪᓗᐃᑦ ᖃᐅᒪᖏᓐᓂᑦ, ᐃᒥᕐᓄᑦ ᐊᑐᖅᑕᐅᔪᑦ, ᐅᐊᔭᖏᑦ ᐊᑐᖅᑕᐅᔪᑦ, ᐊᒻᒪ ᖃᓄᐃᑦᑐᑐᐃᓐᓇᕐᓂᑦ ᐊᓯᖏᓐᓂ ᐃᓪᓗᓂ ᓴᓇᒋᐊᖅᑕᐅᔪᓂᑦ ᐃᑲᔪᕐᓂᖃᖅᑐᖅ ᐊᑐᓗᐊᖏᓂᕐᒥᑦ ᐆᒻᒪᖅᑯᑎᓂᑦ.
ᐃᓚᒋᐊᕐᓗᒍ, ᐊᑐᑦᑎᐊᕐᓂᖅ ᐃᑲᔪᖅᑐᖅ ᑖᒃᑯᓂᖓ ᒐᕙᒪᒃᑯᑦ ᐃᓪᓗᓕᖏᓐᓂᑦ ᐊᑐᑦᑎᐊᓂᖅᓴᐅᔪᑦ ᐊᑐᓕᖅᑎᑕᐅᓂᖓᓄᑦ ᐃᖅᑲᓇᐃᔭᐅᓰᑏᑦ ᐱᔪᓐᓇᑎᑦᑎᔪᑦ ᑕᕝᕙᓂᑦᑕᐅᑎᒋ ᖃᓄᐃᓘᖃᑦᑕᕐᓂᖓᓄᑦ ᖃᐅᔨᓴᖃᑦᑕᓂᕐᒥᑦ ᐊᒻᒪ ᐅᖓᓯᑦᑐᒥᑦ ᐊᐅᓚᓂᖏᓐᓄᑦ ᐱᔭᔅᓴᐅᓪᓗᑎ. ᑖᓐᓇ ᐱᔪᓐᓇᑎᑦᑎᔪᖅ ᓱᑲᑦᑐᒥᑦ ᓴᓇᒋᐊᖅᑕᐅᔪᓂᑦ ᐊᒻᒪ ᖃᓄᐃᓕᒋᐊᖅᑕᐅᔪᓂᑦ ᐃᓪᓗᓂᑦ ᐊᐅᓚᓂᖃᖅᑎᑏᓐᓇᖅᑐᑦ ᐊᐅᓚᓂᖃᑦᑎᐊᖅᑐᓂᑦ ᐊᐅᓚᑦᑎᔩᑦ ᐃᓪᓗᒦᒋᐊᖃᕐᓂ ᓇᒻᒥᓂᖅ − ᐊᖏᔪ ᐃᑲᔫᓯᐊᖑᔪᖅ, ᐊᒥᓲᓂᖅᓴᐃᑦ ᐃᓪᓗᐃᑦ ᐊᐅᓚᑕᐅᔪᑦ ᒐᕙᒪᒃᑯᓐᓄᑦ ᓯᐊᒻᒪᖅᓯᒪᓪᓗᑎ ᓄᓇᕗᒻᒥ ᐅᖓᓯᑦᑑᑎᓂᑦ ᓄᓇᓕᓐᓂᑦ.
ᐊᑐᑦᑎᐊᕐᓂᖅ ᐱᖃᓯᐅᔾᔨᒻᒥᔪᖅ ᐋᖅᑭᑦᑕᐅᓂᖏᓐᓄᑦ ᐊᑐᒃᑲᓐᓂᕈᓐᓇᖅᑐᓂᑦ ᐆᒻᒪᖅᑯᑎᓂᑦ ᓲᕐᓗ ᓯᕿᓂᕐᒧᑦ ᐆᓇᕐᓂᖅ ᐊᒻᒪ ᐆᒻᒪᖅᑯᑎᓕᐅᕐᓂᖓ ᓇᓗᓇᐃᖅᓯᒪᔪᓂᑦ ᒐᕙᒪᒃᑯᑦ ᐃᓪᓗᖏᓐᓂ − ᐃᑲᔪᑦᒃᑲᓂᖅᑐᑦ ᐊᑦᑎᓪᓕᒋᖅᑎᑎᓪᓗᑎ ᓄᓇᕗᑦ ᑐᓐᖓᕕᖃᕐᓂᖓᓄᑦ ᐊᑭᑐᔪᓂᑦ, ᑎᑭᑎᑕᐅᕙᑦᑐᓂᑦ, ᐊᒻᒪ ᑳᐸᓐᑭᐅᓪᓗᑎ ᐅᖅᓱᐊᓗᐃᑦ ᐊᑐᖅᑕᐅᔪᑦ ᐃᓪᓗᓄᑦ ᐃᓂᖏᓐᓄᑦ ᐊᒻᒪ ᐃᓂᕐᒥᖅ ᐆᓇᖅᑎᑦᑎᓂᕐᒧᑦ, ᐊᒻᒪ ᓄᓇᕗᒻᒥ ᓄᓇᓖᑦ ᐆᒻᒪᖅᑯᑎᓕᐅᕐᕕᖏᓐᓂ.
ᐊᕐᕌᒍᑕᒫᑦ ᐳᔪᕐᓗᐃᑦ ᓯᓚᒨᖅᑐᑦ ᐊᑦᑎᓪᓕᒋᐊᕐᓂᖏᑦ. (ᑕᓐᔅ ᐊᔾᔨᐸᓗᖏᑦ ᑳᐸᓐ ᐳᔪᕐᓗᐃᑦ)
ᐊᕐᕌᒍᑕᒫᑦ ᐆᒻᒪᖅᑯᑎᓄᑦ ᐊᑭᖏᓐᓄᑦ ᐱᐅᖅᓱᐊᖅᑕᐅᔪᑦ.
ᑲᑎᑦᑐᒋᑦ ᐊᑐᑦᑎᐊᕐᓂᖅ ᐱᓕᕆᐊᖅ ᐱᓕᕆᑎᑕᐅᔪᑦ.
ᓇᒦᓐᓂᖏᑦ ᓇᓗᓇᐃᖅᑕᐅᓯᒪᔪᑦ ᓄᓇᖑᐊᒥᑦ ᑕᑯᔅᓴᐅᑎᑦᑎᔪᑦ ᐊᑐᑦᑎᐊᕐᓂᖅ ᐱᓕᕆᐊᑦ ᓇᓪᓕᐊᓐᓂᑐᐃᓐᓇᖅ ᒫᓐᓇᐅᔪᒥᑦ ᐱᕙᓪᓕᐊᓂᖃᖅᑐᑦ, ᐱᔭᕇᖅᑕᐅᕋᑖᖅᓯᒪᔪᑦ ᐅᕝᕙᓘᓐᓃᑦ ᐅᐸᑦᑕᐅᓂᐊᓕᖅᑐᑦ. ᓇᓪᓗᒍ ᐊᕕᑦᑐᖅᓯᒪᔪᖅ ᖃᐅᔨᒋᐊᒃᑲᓐᓂᕈᒪᒍᕕᑦ.
ᐆᒻᒪᖅᑯᑎᓂᑦ ᐊᐅᓚᓂᖃᑦᑎᐊᖅᑐᓂᑦ ᐋᖅᑭᒍᑏᑦ ᐅᑯᑎᒎᓈᖅᑐᑦ ᐊᑐᑦᑎᐊᕐᓂᖅ ᐱᔾᔪᑎᖃᓗᐊᖅᑐᑦ ᐆᓇᓂᕐᒧᑦ ᐊᒻᒪ ᐆᒻᒪᖅᑯᑎᓂᑦ ᐱᐅᖅᓱᐊᓂᕐᒧᑦ ᐊᒻᒪ ᐊᑦᑎᓪᓕᒋᐊᖅᑐᑎ ᐊᑦᑎᓪᓕᒋᐊᕈᓐᓇᓂᐊᕐᓗᒋᑦ ᐊᑭᑐᔪᑦ, ᑳᐸᓐᑭᐅᔪᑦ ᑎᑭᑎᑕᐅᕙᑦᑐᑦ ᐅᖅᓱᐊᓗᐃᑦ. ᐃᓗᓪᓗᐃᑦ ᓴᓇᓯᒪᓂᖃᓕᖅᑐᑦ ᐆᒻᒪᖅᑯᑎᓂᑦ ᐊᑐᑦᑎᐊᓂᖅᓴᐅᓪᓗᑎ ᓄᑕᐅᓐᖑᑎᑦᑎᓪᓗᑎ ᐃᓪᓗᓄᑦ ᐱᖁᑎᕐᔪᐊᓪᓗᐊᑕᖏᑦ ᐊᒻᒪ ᐊᑐᓕᖅᑎᑕᐅᓂᖓᓄᑦ ᐊᑐᖅᑕᐅᔪᖅ ᐱᔪᓐᓇᑎᑦᑎᔪᖅ “ᐊᑐᑦᑎᐊᓂᖅᓴᒥᑦ” ᐃᓪᓗᒥ ᐆᒻᒪᖅᑯᑎᖏᓐᓂ ᐊᐅᓚᑦᑎᓂᕐᒧᑦ – ᐊᑦᑎᓪᓕᒋᐊᖅᑎᑦᑎᔪᖅ ᐅᖅᑰᓴᓂᕐᒧᑦ ᐅᖅᓱᐊᓗᓐᓂᑦ, ᐊᒻᒪ ᐃᒥᕐᒧᑦ ᐱᔭᐅᔪᒪᔪᑦ. ᑖᒃᑯᐊ ᒥᑭᔫᑕᐅᓂᖅᓴᐅᔪᑦ ᑎᑭᑕᐅᔪᑦ ᑲᑎᓐᖓᔪᓂᑦ ᒫᓐᓇᐅᔪᒥᑦ ᐃᓪᓗᒨᖓᔪᑦ ᐱᖁᑎᕐᔪᐊᑦ ᐊᒻᒪ ᓄᑖᑦ ᓄᓇᒦᖔᖅᑐᑦ ᐆᒻᒪᖅᑯᑎᓕᐅᓂᕐᒧᑦ ᐊᑐᖅᑕᐅᔪᑦ ᐊᑐᓕᖅᑎᑕᐅᔪᑦ ᓇᓗᓇᐃᖅᑕᐅᓯᒪᔪᓂᑦ ᐃᓪᓗᓂᑦ. ᐃᓪᓗᐃᑦ ᐊᑐᖅᑕᐅᓂᖏᑦ ᑐᓐᖓᓂᖃᖅᑐᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᐅᑯᑎᒎᓇ ᐊᑐᑦᑎᐊᕐᓂᖅ ᓇᓗᓇᐃᔭᖅᓯᒪᔪᑦ ᐊᑖᓂ.
